የዘመናዊ ቡና እርሻ አያያዝ

Abstract

ቡና በአለም ላይ ከሚመረቱ ሰብሎች ከፈተኛ ተፈላጊና ኢኮኖሚያዊ አስተዋፅዖ ያለው ሲሆን በዓለም ላይ ከነዳጅ ቀጥሎ በገበያ ላይ የሚገኝ ሰብል ነው፡፡ ቀደም ካሉት ዓመታት ጀምሮ ከፈተኛ የውጭ ምንዛሬ በማስገኘት ቡና ቀዳሚውን ስፍራ የያዘና አሁንም ለአገራችን ከፈተኛ የኢኮኖሚ ዕድገት አስተዋፅዖ ያለው ነው፡፡ ቡና የንግድ ሰብል በመሆኑ ዘመናዊ የአስተራረስ ዘዴን በመጠቀም በበቂ ብዛትና ጥራት ካልተመረተ ከሌሎች አገሮች ጋር ተወዳድሮ ገበያውን ማሸነፍ አይቻልም፡፡ በመሆኑም በቡና የሚተዳደረውና ኑሮውን በቡና ላይ መሰረት ያደረገው ቡና አምራች አርሶ አደር የኢኮኖሚ ችግር ሊያጋጥመው ይቻላል፡፡ በአሁኑ ጊዜ በአገራችን ያለው አማካይ የቡና ምርታማነት ከ8 ኩንታል ቅሽር ቡና በሄክታር ያላለፈ በመሆኑ ከለሎች አምራች አገሮች ጋር ሲነፃፀር ብዙ መስራተ ይጠበቃል፡፡